4月4日, 在見城吃了一頓不滿足的午飯, 世界何期小, 竟給我遇見十多年沒見的友人.
飯後閒逛了一會海港城, 不是減價季節, 沒收穫.

車子停泊在這裡, 開始登山.


最初的一小段還可看到一些景色.


10分鐘的路程後, 我們已被霧包圍.
上山難, 但下山更難, 我們選擇在迷霧中半行半爬地向前行.
這究是太陽還是月亮?


我常看到類似的照片, 但背景是美麗的夕陽, 
而我的......背景是霧.....而且, 是類似.


友人說見到鐵絲網便是山頂.
噢! 終於到了!
問題是, 下山的路呢?


迷霧中, 領隊終於"估中"這條下山小徑, 
穿過這條小徑到達車路, 我們沿車路行回停車場.


我們捨旁邊那條寬闊的石屎車路, 選擇了這這條牛牛小路上山.
這是下山時攝的, 濃霧已遮蓋了山頂.


友人說, 天晴時可以俯瞰整個香港, 景色很美.
改天再來, 可是......天晴時我或許會腳軟.

之後, 出發往流浮山, 
這天選了球記, 在共營的劉照記買海鮮.
這天的海鮮又新鮮又好味, 除了海蝦.

沒有九節蝦但VT說要吃蝦, 選了甚麼海蝦, 相比之下, 真難吃, 
來流浮山要吃小蝦的話, 一定要吃九節蝦.

生蠔很新鮮, 炸粉味道像油條, 但略嫌過多,
在我吃生蠔時, 瀨尿蝦上桌, 
瀨尿蝦甜美多羔, 廚子把羔煮得恰到好處, 不軟不硬,
所以待我把口中的生蠔吞下後, 碟上只餘三隻蝦頭.

花蟹頗巨, 肉質鮮甜, 反而嘗不到薑蔥味.
大連飽也很大隻, 蒸得剛好, 內質彈牙且飽味充足,
要用刀叉吃才行, 可惜店主只給我們叉子, 奇怪!

最驚喜是辣酒煮花螺, 上桌時酒香樸鼻, 大大隻的花螺, 爽口鮮美, 
怕辣的話可與茄汁同吃中和辣味, 老闆娘說是球記的招牌貨.



球記店子不大, 大概只有十張枱子, 這裡的廚子很不錯, 但他下味精似乎太多了,
回家要喝很多水. 所以, 我還是比較喜歡小桃源.

6人
海鮮: $950
球記: $580 (連炒飯, 菜, 汽水9支)


創作者介紹

鐵皮屋上做的夢

joeyee 發表在 痞客邦 PIXNET 留言(10) 人氣()


留言列表 (10)

發表留言
  • ellen
  • 咁大霧,會唔會迷路呀~~
  • 我都有d驚架! 不過我試過我部電話無問題, 可以隨時求救, 米繼續行羅!

    joeyee 於 2008/04/07 21:55 回覆

  • 小頭
  • 為何午餐會不滿足呢?

    點解小儀這次行的也不像家樂小狗徑呢?難道真是遇上老千狗?

    吃過午餐,行完街都仲可以去行出...時間都好見使噃!
  • 我和joe爹也討論過這個問題, 但得不出結論來, 可能就是少了小頭作伴啊! ^_^

    是啊! 是遇上老千啊! 說只是行一會坐一會看看風景而己, 那個老千上次就騙了我上針山. >.<

    難得放一假播, 硬係要用盡佢啦, 1:00食壽司, 2:00行街, 5:00行山, 8:00食晚飯. 返到屋企都未到十點.

    joeyee 於 2008/04/07 22:25 回覆

  • 大頭仔
  • 五點至行山,好危險喎!而且又咁大霧!
    瀨尿蝦應該好好食嘅,但瀨屎蝦我諗唔係咁吸引喎!
  • 起行果陣吾係咁大霧架!
    哈哈哈! 我自己都笑到裂晒咀. 多謝提點!

    joeyee 於 2008/04/07 23:57 回覆

  • galaxy
  • 乜咁大霧嫁,我以為係晨早黎忝
  • 我未夠年齡一早起身行山呀! ^^

    小嘉, 我個blog係米又load得慢左呀?

    joeyee 於 2008/04/08 22:54 回覆

  • 小貝
  • 好大霧呀! 其實家下行山恐唔恐怖架?我指仲有無山賊架..
  • 最近好似無聽聞呢d新聞喎! 依家大陸仲好過我地香港啦, 都吾使落黎搵食lu.

    joeyee 於 2008/04/08 22:58 回覆

  • 小彭
  • 係咪因為無食メロン呀?!
  • 明白啦, 原來係無小彭係度, 吾能夠一次過滿足晒所有願望, 下次一定要搵埋呢件寶物去至得.

    joeyee 於 2008/04/08 23:00 回覆

  • 喵爸
  • 行了多久?多少人行?人少危險啊!
    行山挻不錯,行完大吃一頓,特別易吸收~
    想起帶喵媽行山,就像拉牛上樹^_^"
  • 亞sir, 行左一個鐘, 4條女, 仲有無問題sir!
    你話比喵媽聽去燒野食米得羅! ^^

    joeyee 於 2008/04/11 21:58 回覆

  • ROY
  • 係咪行大霧山?咁大霧巧危險呢......

    以前行完山後無胃口食咁多野,只係想快d上床休息~
  • 都吾理得咁多羅, 行左一半吾上吾落咁, 唯有頂硬上啦!
    以前無胃口, 錦依家啦?! ^.^

    joeyee 於 2008/04/11 22:00 回覆

  • 喵爸
  • 一行四女很勇啊!忘了早年大帽山兩名洋女被一名男子強姦嗎?
    不過一句鐘行完還真快,換上喵媽可能不行,滾下山則別論。
    喵媽不是怕熱就是怕累,行山途中可以賴死不動,很恐怖的。
  • 有d咁ge事? 吾記得啦, 大帽山咁大, 未必係果段ge. 其實上山果陣時仲見倒有好多人上緊山, 上上下就知佢地去晒邊lu!

    你米講到喵媽咁不濟啦!
    to喵媽: 你吾好比喵爸睇死喇!

    joeyee 於 2008/04/19 00:13 回覆

  • 喵爸
  • 問題不是哪座山哪一段,是人多些較安全,現在香港沒了「穿山甲」巡邏,阻嚇少了山賊也多了。
    哈哈,喵媽根本不放在心上,看了都沒什麼反應,她真的愈來愈像貓。
  • 放心, 我行親山都係一班人架!
    喵媽要多運動啊, 免得變成肥媽! ^^

    joeyee 於 2008/04/21 21:25 回覆

找更多相關文章與討論