經過1.5小時的車程, 終於到達充滿期待的鶴雅旅館, 我們會在這裡住四日三夜.
到服務台check-in, 一位年長的接待員接待我, 他拿了房匙然後話我知我今日住的是日式房, 我對眼幾乎x左出黎, 粗口都幾乎x到出口. 我同佢講吾係播, 我明明訂和洋式嫁播, 佢攞住我張fax周圍轉, 流晒汗錦, 過左陣有個女人突係我身邊同我講英文, 嚇得我丫, 然後自我介紹佢就係同我通fax的Y小姐, 陰聲細氣咁話有野同我講(有野講咁大獲), 咁我地四個人米跟住佢坐埋一邊慢慢傾啦.

一坐低佢就話今日好多旅行團, D房滿晒, 叫我地去佢間別館住, 聽日至轉返過黎(我心諗吾係馬, 我早三個月訂房個播!), 跟住佢就話每人賠番一萬YEN比我地(嘩, 即刻想o累飯應), 姐夫問佢間別館係邊處, 佢話好近, 有車車我地去, 我地亦可以過番黎鶴雅浸溫泉, 姐夫一句: 吾方便, 向Y小姐同我潑左一盆冷水(一萬YEN呀!), Y小姐叫我地等一陣, 然後垂頭喪氣咁行開左. 之後我問姐夫點解吾要一萬YEN呀, 即係免費住一日咁滯架啦播, 佢話: 吾係一共賠一萬咩, 吓! 每人一萬呀!

等左成10分鐘都吾見人, 我人有三急, 去左洗手間, 出返黎姐夫交左個信封俾我, 裡面有五千YEN, 乜事呀? 兩三分鐘啫, 原來已經達成協議, 你班友吾洗問過我架! 我假假地都係領隊兼導遊播!

協議係今晚我地瞓和室, 再賠番每人5000YEN, 兼且聽日upgrade我地, 姐夫話佬佬一聽倒upgrade就即刻應承左佢, Y小姐就即刻好開心咁係個file度攞左四個信封出黎, 每人先醒5000yen. 和室?! 我吾瞓得地下架! 真係有d嬲, 我問upgrade去邊種房呀? 佢地話吾知播!

Y小姐番黎準備帶我地上房, 我就問佢upgrade去邊? 佢竟然話都係未知, 要聽日至知, 吹脹! 佬佬心知我吾鐘意, 佢就同Y小姐講叫佢加多幾張床"毯"比我, 等我瞓得舒服D, 唉! 加得幾高丫, 我爬吾倒起身架!

和室好細, 比和洋室細一半, 住一晚一人只需12,600yen, 和洋室就14,700yen, 計下數叫做有2,900yen進帳啦!  

真係吾係好明, 點解會無房比我地, 我成三個月前訂房, 同佢一直都有保持聯絡(因為我成日問呢問路), 吾通我表現得太過親切? 等佢以為我地好蝦D? 我又吾信我係最後一個check-in, 以致d房比晒其他人, 吾可以比和室旅行團住咩? 我附近果d住客都係跟新華黎嫁啦! 如果我吾出聲抗議, 咁佢米要我住三日和室羅?！   下期預告: 天堂與地獄の溫泉
arrow
arrow
    全站熱搜

    joeyee 發表在 痞客邦 留言(21) 人氣()

    E-mail轉寄