第四天

高原坊平滑雪場滑雪

本來今天預算往山寺和摘士多啤利
, 還會吃米澤牛, 怎知老大說要繼續滑雪, joe爹也超有興致的說想一起去, 31, 我這個順得人又怎會逆意呢, 可憐的米澤牛, 你要在米澤等我啊, 某年某月再來吃你了!

不懂滑雪也可感受滑雪的樂趣

我曾經弄偒腰部, 所以我到滑雪場變成三等公民, 等影相, 等食飯和等走人. 在等的期間, 我坐在餐廳內看人們滑雪, 餐廳外的一段是初級滑雪道, 我看見幾組有趣的組合: 三個人手持同一支長長的扙, 平排的由上滑下, 好像很爽呢, 我想當老大他們回來午飯時我也想試試; 另外有一堆人兩個兩個的在玩雪兜, 怎麼要兩個人一起玩呢? 不過在前面的那個被濺起的雪打得狼狽, 我卻看得很開心 哈哈, 變態!

雪越下越大, 人們紛紛走進餐廳內吃午餐, 我的視線亦由室外轉移至室內, 這時才見到長枱上擺放了一名牌: xxx失明學校, 我這才明白, 三人滑雪組內有一位是失明的, 兩人雪兜組坐後排者也是失明的, 有幸得到義工們的幫助, 失明人也可感受滑雪的樂趣., 看著他們面上掛著的笑容, 我突然覺得自己很可憐 三等公民


利害呢
!
飯後, 可憐的我當然不會繼續自憐 (因為根本沒有人可憐我, !), 我走去租滑雪水泡, 這裡的水泡是免費的, 員工示意我到辦公室去, 正確應該是吊車控制室, 走進去後我指著水泡圖片, 然後一名工作人員用日文同我說了一句, 哈哈哈! 這句我當然明白啦 --- 日本語が話せませんか。(nihogogahanasemasenka, 你識吾識講日文呀?) 我就好快咁回應左一句 すごい”, 空氣突然停止左兩秒, 周圍氣氛有點緊張, 跟住我又好快咁講左第二句話 すこし”, 然後成個控制室的人用如釋重負, 又或者係恍然大悟的語氣一齊重覆我講果句話, 一切又重新開始運作, 包括吊車. 講到呢道, 識日文的你應該識得笑, 吾識的你, 吾緊要, 等我解釋一下, 不過吾準笑我, すごいsugoi咁解, すこしsukosi係少少的意思. d就係識少少扮代表ge結果.! 

你明定吾明
返到上山火車站, 我打電話到旅館叫人黎接我, 我用一早預備左的日文同佢講左一大輪, 然後佢又講左一大輪我完全吾明白的日文, ! 乜野叫讀萬卷書不如行萬里路呢, 就係咁解, 書本同misssir教話, 如果你講A, 佢就會講B, 而實際佢係講左C! 我當然無佢咁好氣, 我重覆講多一次A, 然後問佢你明吾明呀? 佢話明白, 咁我講多句亞李吉多就收線啦, 吾使2分鐘, 電召的士司機就黎搵我地

滑雪三傻
 

 

 

 

 


創作者介紹

鐵皮屋上做的夢

joeyee 發表在 痞客邦 PIXNET 留言(10) 人氣()


留言列表 (10)

發表留言
  • 柏木寶寶
  • joeyee已經好叻架喇~~~<br />
    就算我讀左咁多年日文, 都可能要指手畫腳輔助^^"
  • carjaswong
  • 等左咁耐終於又有得睇!<br />
    <br />
    我最怕就係咁樣 - 自己以為講o岩, 但其實係錯, <br />
    而對方再來一大堆日文以為你識...
  • wyng
  • 所以寶寶要去留學, 加強聽講的能力.<br />
    我依家學日文, 都係集中係講果方面.<br />
    <br />
    jason, 真係久等啦, 我會儘快寫完佢, 見倒你同galaxy的旅記, <br />
    我真係...汗顏!<br />
    <br />
    講件鳥龍語言事件你地聽:<br />
    係我後生果陣, 因工作關係接觸倒一些美國人, 有次和同事隨他們到澳門視察, <br />
    因為相處左幾日, 加上佢地吾係生意人, 我地叫做熟絡左,<br />
    其中一個鬼佬問我有無"family", 我答佢硬係有啦, 我心諗佢都傻傻地ge, <br />
    問d咁ge問題, 跟住佢就問我有無細路, 我就閙鬼佢話我都未結婚,<br />
    佢就面露一種好訝異的神色, 呢個時候, 我個好同事就陰陰咀咁係度笑,<br />
    而另一個見個世面的鬼佬就同我地解釋, 美國人問你有無family,<br />
    即係問你結左婚未. 哈哈, 真係......<br />
    <br />
  • 柏木寶寶
  • .............
  • 柏木寶寶
  • haha, 咁樣o既回應係咪串左d (^^;A)
  • galaxy
  • 嘩 !!! 滑雪呀 !!!! 好玩呀 ! 睇相, D雪好靚, o岩哂滑雪....<br />
    我都係唔明nihogogahanasemasenka, 解釋下.....<br />
    重有你好似重未講那對香港夫婦D野喎 ??
  • wyng
  • 寶寶, 你串都串得好坦白!!!<br />
    <br />
    galaxy, 你真係好記性呀, 下一次就會講嫁啦, 呢晚見倒佢地都未有野發生,<br />
    其實都吾係乜野大不了ge事, 吾好期望咁高.<br />
    <br />
    d雪真係好靚, 我坐落去覺得好軟熟, 可惜我吾可以滑雪.<br />
    nihogogahanasemasenka即係: 你識吾識講日文呀?
  • galaxyho
  • 呀........ 我明白了.............<br />
    咁我反應就慢了すこし,....活學活用.. 哈哈
  • wyng
  • galaxy, すごい呢!
  • 小彭
  • 好彩我只係識sukoshi, 而sugoi係睇左個廣告, 先識呢個字, 所以唔入腦!<br />
    <br />
    下下星期日, 我都有機會打電話叫旅館去車站接我, 宜家都練習緊d對白... 哈哈!