第五天

上山溫泉 東京新宿

今天發生的趣事和瘀事特別多
, 我得再說一句, 我的歡樂指數非常高.

三腳架怪客

早餐時joe爹說今早浸溫泉時見到一個怪人, 情況如下, 大家一定要運用你的想像力.

一隻手持三腳架(吾係放枱面果隻, 係放地下大約二至三呎高果隻, 配置傻瓜機係上面), 另一隻手拿住毛巾遮住何B, 身體微微彎曲, 好似猿人咁, 一路行一路左及右及, 放好三腳架, 走進溫泉, 然後, 影完一張, 走出黎換個角度, 又走返入溫泉池, 繼續, 佢仲要係毛巾不離手, 如是者影左10分鐘, 真頂癮! Joe爹就睇足佢十分鐘, 哈哈哈!
財散人安樂之後, 趁等旅館迎送巴士往火車站之時, 到旅館門外拍幾張照片, 拍下拍下, 竟然見倒三腳架怪客, 佢依然係攞住個三腳架, 不過身邊多左個女伴. 巴士就快開喇, 佢都夠膽死話想落去影多張相, 去到火車站, 仍然係架不離手, 我諗佢地為左留底美好的回憶, 全程都係攞住三腳架周圍去, 香港人, 真係厲害! (Galaxy, 你無咁做鴉馬!)

係吾係好有xx feel呢!


來也趕趕
, 去也趕趕
在火車站的票務處劃指定席往東京, 還有三分鐘火車便到站, 我在月台上找車卡位置, 剛才幫我出車票的票務員突然指手劃腳, 很緊張的說了幾句話, 我看著他, 他的手指指著對面, 我終於醒悟過來, 火車在對面月台呢, 於是我們拿拿淋走進升降機, ! 不動? 過重? 只是四個人四件行理呀, joe爹二話不說, 一手執一件, 跑上樓梯, 尾隨的還有三腳架怪客, 我搭升降機到天橋上與joe爹相遇, 繼而跑過對面,  joe爹又再一手執一件, 跑落樓梯, 這時, 火車到站, 險些就誤了, 好險.
每次搭火車我也會很小心的認清班次和月台方向, 這次稍為鬆懈就出亂子了, 皆因這幾天習慣了乘同一方向的火車, 領隊真是要24小時集中精神
(也不要隨便跟著陌生人啊三腳架怪客!)

, 不可隨便問
checkin後乘shuttle bus回新宿西口, 然後由姐夫帶路往吃拉麵, 途經綱八西口分店, 我好興奮咁話, 我今晚要去正店食飯, 就係呢晚, 我們受到不禮貌的對待, 我從未係日本試過, 日本有名服務一流, 你話佢假都好, 起碼你會覺得好舒服, 不過吾開心的事吾講喇, 忘記左佢就算.
講番轉頭, 分店門口貼左張正店的地圖, 我就企係度研究研究, 老大就叫我去問職員攞正店的名片, 於是我又出動識少少扮代表的能力, 同個女店員講 本店のカードがありますか。佢話無喎, 然後就劃個地圖比我, 跟住佢同後面個高個子哥哥講左兩句, 佢地兩個換左位置, 跟手哥哥同我講左兩句英文, 然後示意我地跟住佢行, 其實我已經講左我明點去嫁啦, 我以為佢只係帶我地轉個彎, 入到直路就指指點點叫我地自己行, 點知佢由頭帶到落尾, 每次佢回頭看我地, 老大就擰頭兼耍晒手示意吾使佢帶啦, 不過佢一意孤行, 我地無理由吾理佢假, 於是我地連行帶跑咁跟住佢由新宿西口, 經過歌舞技町, 上到地面直鏟去正店門口, , 漫漫長路啊! 佢仲要問我係米table for four, 天啊, 我笑笑口咁同佢講左兩個字: 今晚! 佢終於明白, 然後say goodbye入左正店. 服務 -- 真係好又煩, 吾好又煩.

第一次遇到

伊世丹有北海道食品節, 我係果度買左六花亭黎食, 真係好懷念北海道. 戰鬥完又食完野, 便去買蛋糕做消夜. 消夜時間到, 我就將生果阿, 蛋榚阿攞出黎影相, 影影下, 突然間所有野係度震, 我第一個反應係望上天花板, 然後就話: 吾係呀, 咁夜仲裝修?! 原來地震的感覺係錦樣嫁, 震左都有5秒鐘, 跟住望出窗外, 路面一切如常, 車照駛, 人照行, 我就繼續影相兼食消夜,. 夜晚新聞報告話發生4級地震, 所有地鐵火車停駛. 真係吾知驚!



創作者介紹

鐵皮屋上做的夢

joeyee 發表在 痞客邦 PIXNET 留言(8) 人氣()


留言列表 (8)

發表留言
  • carjaswong
  • 我上次去綱八覺得服務ok播, 噢, 究竟我去的是正店或是分店呢?
  • wyng
  • 係一個服務員差啫, 其他都ok!<br />
    你應該是去正店的.
  • galaxyho
  • 我緊係無三腳架怪客咁顛喇, 你當我係乜人呀 ! 可能佢係弟一次出門呢。<br />
    1. 我推住架BB車,再加上一袋BB用品, 一隻手拖住老婆, 那裡有手拿三腳架 ?<br />
    2. 我喜歡美好回憶留在腦內<br />
    3. 我唔喜歡影出浴照<br />
    講起浸溫泉,我弟一次去時, 乜都唔識, 除衫除褲,都無沖涼便一躍跳入溫<br />
    泉池,<br />
    鬼咩, 我都唔識日文,所有指示我都唔明, 一心諗住浸溫泉咪即係沖涼囉,<br />
    真失禮......
  • wyng
  • 吾沖涼就跳入水度? 好鬼熱嫁播!<br />
    <br />
    "我喜歡美好回憶留在腦內" --- 你吾係已經無乜記性啦咩?!^o^
  • galaxyho
  • 好左少少, 現在是間竭性發作.....好采你提我, :><br />
    睇番以前的相, 原來我有寫底當時的情景在相的背面。<br />
  • wyng
  • 係米有"此情只待成追憶"的感慨呢? 小嘉叔叔......
  • 小彭
  • e... 我都有丁點似三腳架怪客, 也喜歡拍出浴照, 不過是用座枱式腳架, 以及在風呂附客室進行!<br />
    <br />
    大浴場, 始終唔方便, 又會影響人嘛!<br />
    <br />
    我又唔會叫朋友影... 因佢次次用高角度影落黎, 而不是水平拍攝!
  • wyng
  • 係羅, 會影響其他人麻, 我就不明三腳架怪客點解做得出!<br />
    <br />
    哈哈, 高角度至有野睇家馬!!!