一周雜"想"
3個月前可以買10元豬肉, 6元一斤菜心, 16元便一餐.
兩個月前豬肉加價了, 要買15元豬肉,
今天到街市買餸, 菜心價錢仍然是6元, 但......是半斤.
現在要27元才可吃一餐!
點解貴得咁無道理架!!!



朋友請我吃了一個奇華的奶黃迷利月餅, joe爹覺得味道不錯, 便去買一盒.
店內有位婆婆正詢問月餅的種類和價錢, 我在旁聽. 
店員對婆婆的提問顯得不耐煩(一點也不專業), 最後的重點問題來了,
"有沒有折扣."
"渣打信用咭有八折."
"只有渣打咭嗎?"
"是!" (又是一臉不耐煩)

噢! 我沒有呢, 正躊躇是否購買之際, 
joe爹說: "走啦, 你無渣打咭即係擺明吾賣比你啦!"
"咁又係! 八折播! 正價買好吾抵啫!"
最後買了一盒芝麻糯米慈, 9元, 有咭也沒有折,
明碼實價, 感覺很好!

月餅與一般消費品不同, 一年才售一次, 為甚麼還要與信用咭優惠扣上?! 難道人們會為明年的月餅申請一張信用咭嗎? 如果沒有"吾抵"的感覺, 我已買了兩盒回家慢慢嘆!



人生很多事都不能掌握, 隨遇而安吧!
創作者介紹

鐵皮屋上做的夢

joeyee 發表在 痞客邦 PIXNET 留言(12) 人氣()


留言列表 (12)

發表留言
  • carjaswong
  • 我以為會交代一下昨天和小彭談話後的進展添......
  • 最後果句米交待左羅! 唉......

    joeyee 於 2007/09/07 22:39 回覆

  • 小彭
  • 之但係奇華無咩加過價, $208, 同上年差唔多! (我屋企個頭個間service好好架) 揸兜卡, 我有呀... 睇你個款中秋都要留港"人月兩團月", 送你一個八折迷你奶黃月餅啦!
  • 一個?! 多...謝...播...

    joeyee 於 2007/09/07 23:04 回覆

  • 劉鄧
  • 何只豬肉,雞蛋先貴得離譜!
    以前賣七毫子隻,現在要1.2元!
    真難為那些低收入家庭!
  • 米係! 依家巴士又話加價啦, 仲陸續有黎, 都係要慳d至得羅!

    joeyee 於 2007/09/07 23:06 回覆

  • 小彭
  • 我食開ge麵檔都加價喎, $1-2啦!
  • 你食開幾錢丫? 1-2蚊ge百分比可以好高架播!

    joeyee 於 2007/09/07 23:07 回覆

  • galaxy
  • 我通常等過左中秋才買月餅,貪減價才買, 端午節都係。
  • 好一個住家男人!!! ^o^

    雖然過左中秋月餅好平, 但我只係買黎應下節, 過左中秋我就吾會食架啦!

    joeyee 於 2007/09/10 11:14 回覆

  • 柏木寶寶
  • 店員講o既渣打咭, 唔知manhattan算唔算呢?
  • 噢, 呢樣野無問播, 因為我都無manhattan咭!

    寶寶, 日本有冇月餅賣?!

    joeyee 於 2007/09/10 11:15 回覆

  • 大頭仔
  • 尋晚想買冰皮月餅
    但原來恆生卡再平十蚊
    結果我都冇買到
  • 哈哈哈!
    係米又係有仲"吾抵"ge感覺呢?!

    joeyee 於 2007/09/10 11:17 回覆

  • 小貝
  • 我最怕吃月餅....因為好肥架....
  • 食少少無問題ge!

    joeyee 於 2007/09/10 22:41 回覆

  • 喵爸
  • 過份側重地產股市的經濟發展,基層收入趕不上支出,自會引發高通漲影響民生問題,大陸香港澳門如是。

    遇著送禮的都送傳統白蓮蓉,沒我愛吃的潮州月餅,送傳統蓮蓉也比千篇一律的傳統白蓮蓉好呀~
    儘管如此,我還是可以一次吃掉一整件。

    joeyee如斯感慨,是最近遇上不如意事嗎?
  • 我們只得兩口子, 加價對我們影響不大, 但就真的難為了滿屋小孩的家庭.

    人家送你禮還嫌這嫌那......你真是......
    我也愛潮州月餅, 但...這年頭沒人買來送禮吧, 還是自己去買一件好了. ^^
    一次吃一件?!!! 膽固醇得待你啊!

    是啊! 最近遇上不如意事, 但都只是白糖榚被劫, 想去旅行但沒機位之類的小事. 不用擔心!

    joeyee 於 2007/09/12 13:47 回覆

  • 喵爸
  • 月餅我是來者不拒,怎會嫌?只是很久沒嚐潮州月餅,很掛念,今年不知會不會買。
    好吃的多數健康有限,不過一年一次,問題不大,倒是平時飲食要注意。
  • 一年一次, 既然掛念, 就去探下潮洲月餅啦!^^

    joeyee 於 2007/09/15 20:47 回覆

  • Vv
  • 而家咩都話加, 重要唔覺唔覺加好多tim!! 但人工又唔見加得咁重手?? 離譜!!
  • 人工?! 總會有加ge一日ge, 等下啦! 哈哈哈!!!

    joeyee 於 2007/09/15 20:49 回覆

  • 喵爸
  • 還是待家裡的傳統月餅和冰皮月餅吃完再說。
    妳吃過的潮州月餅是哪家出品的?
  • 不知道啊! 是爺爺買的!
    但自從他歸天後, 已經沒有再吃過了!

    joeyee 於 2007/09/18 21:38 回覆

找更多相關文章與討論