旅途上的失落點 @ 鐵皮屋上做的夢

鹿部間歇泉公園

鹿部間泉係我都幾想去GE地方黎, 幾分鐘噴一次幾分鐘噴一次咁, 我覺得幾過癮.
跟住導航黎到, 點解連水柱都吾見條GE? 又無旅遊車又無遊客, 呢度都叫做景點丫. 再向前行多陣睇過點, 或者問下人啦, 上左個山丘仔, 人就見吾倒, 墳就有一大堆, 跟住見倒一間好大GE建築物喎, 駛落去望下, joe爹話見吾倒噴泉喎, 我話佢地想搵錢, 所以將個泉包圍住, 要入場至有得睇, 落到去至知果處係日歸溫泉黎, 仲要是日休館, 咁就真係想搵個人問下路都無. 好在呢度風景都幾好, 影幾張相先啦, 呢個時候又開始落大雪喇, 咁點?! 走羅! 吾睇都得GE.

走返出路口俾我見倒個牌, 咁即係點? 邊樹係國道?
失01.JPG

無得睇野事少, 無得食野至事大, 本來預定係度食完野至去銀婚湯, 不過諗諗下, 有車仔喎, 沿路應該好多野食, 於是就開車走人. 沿路又都幾多烏冬呀麵檔之類, 但係吾肚餓喎, 事關今朝La Villa早餐豐富到不得了, 有人仲食個四大個包添.

好啦, 行下行下, 有D肚餓啦播, 之但係, 方圓百里都無食野檔GE? 原來離開左鹿部市都幾靜下, 當然, 我地又比較挑剔, 呢間睇落吾好果間又吾係好正咁, 最後, 就靠住朝早係朝市買的魷魚乾和途中便利店的兩個包子, 還有兩支牛乳, 撐到夜晚六點嚮銀婚湯食飯, 午飯錢都慳埋.

--------------------------------------------------------------------------------------------

二世古

由於貪戀溫泉鄉, 所以我地十一點至係銀婚湯離開, 今日都無乜特別景點, 都係睇下雪浸下溫泉咁, 先去二世古火車站, 睇下呢個古式古香的車站, OK靚啦, 入埋觀光案內所諗住攞散策地圖, 嗯? 乜鬼都無GE? 淨係得D滑雪場資料, 我係網度明明見度架喎, 乜鬼野觀光案內所呀, 諗住呢度有得攞, 咁慳得就慳無印個地圖出黎, 就出事喇.

咁去HIRAFU滑雪場玩下雪算啦, 到左之後就嚮滑雪場影左一D相, 原來都就黎兩點啦喎, 吾怪得肚餓啦, 於是去滑雪場裡面的甘羅夫餐廳度食午飯, 點知點知......閂兩點喎! 本來呢度仲有間餐廳未收, 但係食西餐喎, 吾係好想. 咁走返出去停車場附近望下, 係就係好多舖頭, 但係開五點喎. 唯有走頭, 楂架車睇下邊度有餐廳開啦, 終於都比我地搵度間環境一流食物九流, 由夫婦經營的食店, 坐低食完個下午茶都成四點, 無得去浸秘湯添, 因為我想係入黑前去到今日住的旅館, 最後發現呢個決定係超級明智GE.

------------------------------------------------------------------------------------------

小樽青塚食堂

離開天狗山我地就出發去醫肚, 好期望, 前幾年黎呢度食過, 又平又正. 由天狗山去小樽築港原來都要成半個鐘, 目標越黎越近, 心情就越黎越興奮, 燒魚呀刺身呀咁, 流晒口水.
終於到啦, 嗯......點解吾見架燒魚車係門口GE? 停車場又吾見有車GE? 隔離開左間吾知乜野食堂喎? 吾通......執左? 定係比人收購左? 無理由喎, 我黎之前仲嚮網上check過架.

忽然聽倒joe爹慘叫一聲: 貸切!! 老公似乎對呢個日文字都非常有認識.
失03.jpg

吾係呀化, 做乜貸切呀, 你打開門做生意, 吾做得貸切架, 咁其他散客點算? 你知吾知乜野叫待客之道呀? 我已經係第三日無得食午餐架啦, 你有無理到人感受架!

好在小樽有好多野食, 但係我地都係選左直落札幌, 係札幌食拉麵, 不過事與願遺, 最終都係無食過拉麵.

---------------------------------------------------------------------------------------

札幌鮨菜和喜智

呢間野簡直就係超級極端期望, 我嚮日本飲食網tabalog發現佢分數比壽司善更高, 排行冧巴溫, 硬係要去試啦. 由薄野搭地下鉄去円山, 出到地面, 哦?! 吾識路行喎, 個地圖明明係話直行左轉就得架啦喎! 係米出錯閘口呀? 算啦, 札幌街道係十字架豆腐黎架, 乜条乜路就應該搵倒, 哎呀, 邊個方向係南呀, 都好似吾似咁GE?!

............搵餐晏仔啫, 比條生路黎行好喎!

迎面而來見到一個美女, 就問佢啦. 美女, 果然係與眾不同.

佢望下張紙, 然後同我講: 一齊丫! 咁我地就跟住佢向前行左幾步, 佢突然掉番轉頭行, 行左大約20秒, 然後佢叫我地係度等, 佢就入左間咖啡室度, 我諗佢係去問路, 個心當堂寒寒地, 當佢出番黎果陣, 我地就跟住佢行番到原來問佢路果個路口, 跟住向左轉, 大概又行左一分鐘倒, 噢! 美女果然係無老點, 就係眼前. 連續多謝左佢三次, 今次出路遇貴人, 無失拖啦掛, 轉身就走入店內.
失04.JPG

嚮玄關處擦乾鞋底的冰, 再走入去, 見個女待應不但無講歡迎, 仲耍手擰頭講左一大埋野, 我用好疑惑GE眼神望住佢, 終於, 佢講左句我寧願聽吾明GE日文.