以前講過joe仔係我家的一條龍, 佢癲起上黎真係吾係人咁品!
前幾日買完餸返來, 係廚房煲湯呀, 整餸呀咁, 突然諗起吾記得比早飯joe仔食, 於是行出廳諗住攞佢個砵, 點知見倒我件恤衫係地下, 隔離仲有隻傻狗坐左係度, 我已經心知不妙, 拿拿淋檢查下件衫, 吾見左粒鈕, 係地下搵又搵吾倒, 再睇下, 總共吾見左3粒鈕, 屍骸都無, 吾係呀, joe仔, 你當糖食呀?! 以前佢只會咬爛d鈕來玩, 今次竟然……
真係食佢吾死, 佢好彩, 食佢吾病, 我執番身彩羅!
(joe仔呢幾日行得企得, 仲鬼咁好胃口, 應該無事掛! Thanks God!)
文章標籤
全站熱搜
亂闖 (21)
吞左三粒紐.........................
有個少少核突o既問題.
如果你響佢d便便度發現d紐, 會否洗乾淨再用?
有個朋友, 上午買左兩隻油鴨脾, 但夜晚煮飯時搵唔到, 以為跌左...
再跟住, 又搵到個油淋淋ge袋... 而小狗成晚飲水...
狗仔食臘鴨...
果然好牙力!
係冇條屍剩底... 小狗冇內傷都係咁!
(不日上載 ~ 預告:小狗最後係中毒離開的, 應該係食左D唔應該食
GE!)
傻啦寶寶, 衫鈕啫, 幾蚊就買倒架啦!
唉, 有d狗真係乜都食架, joe仔就係咁, 所以落親街我都睇到佢實.
小彭你就快快寫埋遊記, 我等睇狗記!
joeyee, 屋企有寵物真係為生活增添不少色彩,趣事及煩惱.....希望
你嘅Joe 仔給你地嘅係前兩者啦....haha!!
我自己從未養過狗, 所以要靠你講多d Joe 仔嘅得意同百厭嘢我知
lu!!
Vv, 我會好努力咁同你分享狗仔的各樣事嫁啦.
未養過狗就吾好養啦, 好煩呢!
靜靜地講你知啦, 我好驚狗嫁(子華話我總之郁得嘅嘢我都驚!!), 主要
因為我覺得行近佢地, 佢地一定會咬我, 所以在街上遠遠見到有狗, 我
會盡量運路走, 走唔到比佢地經過我身邊呢, 我就會成身僵
硬....hehe....好鬼"屎"!!
喺網上見到Joe 仔就作別論!!
Vv, 心理作用姐, 你去行下d狗舖, 等d狗仔圍住你習慣下啦!
等我整張會郁ge joe仔相先, heehee!
有留意大便嗎？鈕出來了沒？
喵爸, 沒有留意啊! 已經過了好幾天, 要出也應該出了!
放心, 佢仲未死!