泡完私家湯之後, 就楂車去滑雪場接番朋友, 然後帶佢地去燒岳見識見識, 朋友就老實不客氣咁zoom到埋一埋影左幾張相.

番到深山桵庵就見倒同胞們行來行去, 朋友即刻同我講話食完飯要早D落黎浸溫泉, 睇黎中國人的壞習慣連自己人都怕怕.

食完餐"正"飯休息左一陣就去浸浸, 時間尚早, 無乜人喎, 等我地浸完, 我就見倒同胞們入黎喇, 我都懶理佢地, 反正浸完, 攞左支飛驒牛乳走出去休息室等JOE爹, 飲完支牛乳又想飲水喎, 就走番入去搵水飲啦, 點知, 又比我見倒一件比鶴雅紙底褲事件更為經典, 更為無聊同可笑的事件.

裡面同胞個個都係赤條條, 就唯獨有個30歲倒的女子, 著左件泳衣, 都算啦, 怕羞啫, 最不可思議的係佢在泳衣外面仲圍左條浴巾, 嘩, 阿嬸, 去游水都吾洗圍毛巾啦下華, 何況依家浸溫泉, 你好似仲未沖涼架喎, 你打算點呀?! 打量左佢幾眼, 我都費事理佢, 走番出黎, 點知...點知...
 
我地離開番上房果陣, 迎面而黎有三個男人, 那, 係人都知溫泉旅館會有浴衣提供, 仲有埋件外套添, 正常人吾著件外套都會著件浴衣丫, 哈, 三個男人其中兩個都好整齊, 就唯獨有一件, 淨係著件外套落黎, 吾係化老友, 有無著under都吾理你喇, 但你隻腳毛神神咁, 仲要大搖大擺咁行過黎, 哎呀, 發瘟羅, 點解有人咁密實, 但又有人可以錦架?! 大叔, 你知吾知自己係度影響市容呀.

要知道由房間到溫泉係要經過旅館大堂架, 個個人見倒佢都碌到對眼大一大, 背後竊竊私語, 當然包括埋我地啦, 服務員就個個低頭偷笑, 失禮死人, 簡直就係有辱國體, 噢, 無眼睇!

創作者介紹

鐵皮屋上做的夢

joeyee 發表在 痞客邦 PIXNET 留言(2) 人氣()


留言列表 (2)

發表留言
  • gc
  • 我都係覺得鶴雅紙底褲
    過癮d
  • 都係變態架喇!

    joeyee 於 2009/11/05 12:26 回覆

  • galaxy
  • 唉~~~~
  • 一樣米養百樣人...

    joeyee 於 2009/11/07 15:02 回覆