第四天
早餐在吃晚餐的地方吃, 日…式…早…餐…, @@” 日本人啊! 你怎麼可以早餐都吃飯!
與晚餐一樣, 很大堆頭(應該是因為平日人客少, 沒有自助餐)
午餐在滑雪場內吃咖哩豬扒飯和烤薄餅, 只是可以吃得下的食物, 幹麼要給他拍照!
晚餐是旅館的”大拖羅”, 燒粒粒牛, 入口即溶, 充滿牛肉味, 最重要--不肥膩. 海膽超甜美, 蟹很鮮, 還有拖羅, 燒魚, 湯, 甜品, 不懂說, 總之好好味, 這餐我沒有吃飯, 把全部食物吃清光, 其實, 飯都好好味.
題外話這天旅館來了一對香港人, 笑話在後頭, 不日話你知.
第五天
早餐, 在旅館吃的最後一餐, 又是日式早餐, 再見了, 早飯!
午餐在東京吃拉麵, 可以自己決定湯的濃度, 麵的軟硬度等那一種, 不錯.
最近在香港開了分店.
晚餐在扒八正店吃天婦羅, 實在忍不住說句他媽的待應, 從未遇過態度這麼差的店員, 害我沒心情吃東西, 若非外面下雨, 又拿著一袋二袋的戰利品, 我定會帶隊到分店去(當天下午在分店遇到一個大好人, 詳情待續).
隨便點了普通的天婦羅, 吃的是普通的味道, 但總算光顧了這間名店.
氣過頭, 又忘了拍照.
飯後果, 哈哈哈
第六天
在酒店吃早餐, 終於可以吃多士了, 實在感動!
早上往築地市場, 吃了唯一的帶子, 好大隻呢!
午餐在機場的壽司店吃最貴的壽司, 補償在築地吃不到的那一餐, 又出奇地好吃.
晚餐是飛機上的雞飯, 我把它吃光, 包括餐包, 蛋糕和沙律.
消夜是街邊的鐵板炒三絲米, 久違了的味道, 好味, 盛為十五大元.
哈哈, 已過了一星期, 我竟然沒有增磅, 哈哈, 哈哈哈!!!
文章標籤
全站熱搜
亂闖 (21)
我很喜歡吃日式早飯, 燒魚+白飯+麵豉, 不過只限晌日本吃!
在香港, 早餐我不會吃鳳爪排骨飯呢!
從日本返港前, 不管午餐吃什麼, 總要在機場吃過壽司才上機!
哈哈, 我覺得朝早食飯真係好難.
點解你要係機場食過壽司至上機呀?!
你部相機影相好靚, 請問係咩牌子咩型號?
日本d壽司又平又好味, 返香港未必有咁GE質素,有咁GE質素又要付出更多$!
我真係試過好飽仲去食UNI DON呀!(呢d係咩心態?!)
相機是LX1嘛?!
寶寶, 你想買部相機去日本呀? 記得選部有防手震同長命電池ge相機播!
好野播小彭, 好記性! 我最鍾意用佢黎影風景, 因為有16:9, 超正.
我本來係想學下影相至買呢部機, 不過我到依家連快門同光圈ge關係都吾係好記得,
所以所有相都係用auto影ge.
"我真係試過好飽仲去食UNI DON呀!(呢d係咩心態?!)" - 變態羅!!!
嘩 ! JoeYee, 食得好似好豪 ! D 野食好正 !!!! 流口水忝 .......
快D講那對香港人的笑話啦 !! 我就去日本喇, 等我引以為鑒嘛, 如果唔
係我可能會又成為下一個笑話。
哈哈, 等等, 我寫緊, 不如睇下你第五集快定我出得快ah!
你有冇留意個大apple? 大個我隻手呀!!!
又真係幾變態喎!
小yee的一貫寫作手法 ~ 吊癮!
其實旅行影相, 我都無時間慢慢玩個光圈快門, 不如攪下個white balance先啦!
(不過到影ge時候, 永遠唔記得! 如雪地, 係要加定減, 明明出發前睇左...!)
Joyee, 你又唔擺你隻手同個蘋果比較, 又點知你隻手大定個蘋果大呢 ?!
又係我, 弟五集寫到一半, 快咯快咯, 就有 !
今天才有時間詳細看, 那個"大拖羅"set不錯喎。
我都不太喜歡和式早餐, 但亦不算討厭, carmen就可以日日食和式都得!
LX1拍出來的質素很好呀!
小彭, 我覺得每個人在自己喜歡的事情上都會作出變態行為.
我地就在食生果上有的變態, 只要負擔得起的, 我地都會試下.
沒錯, 旅行影相, 尤其在冬季, 跟本就想快快影左佢就算.
小嘉, 係播, 無擺隻手落去比較比較, 不過無下次咯, 我係吾會再買架,
都吾好食ge.
其實吾係我想吊癮, 對我黎講, 寫野呢家野真係講心情, 要天事地利人和至得,
有時可以滔滔不絕, 有時則連隻蛋都無得生.
小son, 個大拖羅餐好正, 每一樣野都好正, 好回味!
你都食左多好野呀, 好羡慕.
你真係覺得LX1的質素好嗎? 我覺得同fx7差吾多.
小yee, galaxy兄出左第五集啦! 咁你...
日本蘋果, 就算係青森ge, 我都唔識欣賞! みかん都唔錯, 但香港賣below hkd20, 有7-8個...
每次見到日本櫻桃(帶黃色個d), 都唔捨得買, 下次還是豁出去, 買黎試下!
呀........ 我要開夜車至得啦, 吾係連jason兄出完我都未攪掂就慘啦.
小彭, 豁出去啦, 死你吾死ge, 哈哈!
我買日本apple係因為我食過一個超正ge, 香甜爽, 可惜依家搵吾返.
寫遊記又唔係賽跑, 快係無用的 ... 雖然我都係趕緊工 ^o^
我喜歡王林蘋果, 在香港賣十多元一隻, 今次在釧路買了兩個(共yen300), 但不夠甜, 失望!
無錯無錯, 為寫而寫真係冇乜意思, 不過仲吾寫, 我就會吾記得好多野.
我在寫酒店篇.
食吾番果種味道, 係令人極之極之失望ge, 我明白.
呀... 反而彭媽晌吉之島買過黃色個種日本蘋果(是王林蘋果嗎), 又真係好香好甜好好味喎!
我都係鍾意食王林~~~
小彭, 鐘意食就請彭媽買多兩個你食啦!
roy兄, 你就黎去日本啦, 食乜都得羅.
話時話, 王林apple我好似未食過, 點樣架, 依家邊度有得賣?
我尋日晌citysuer確認左王林蘋果, 真係黃色個種.
小yee, 晌大ge スーパー, 就有得賣, $15以下一個. 吉之島上次買一送一, 不過係個幾月前ge
事.
另外, citysuper(ifc)有滋賀草莓試食, 有成半粒咁多, 真係好香好甜! 有個日本人企晌到叫你試
下, 真係以為去左日本!
放心，4月去到日本我會每晚都食盒草莓既~~~:p
王林正如小彭所講，表皮係黃色既，除左城市超級，梳哥，uny，西田等都見過有得賣~~
小彭, 收到, 黃色ge蘋果, 我會買黎試下, 然後再報告.
呀...... 我聽日去吾倒citysupper呀......
roy兄, 咁你就食埋我果分啦, 好懷念, 真係好懷念.
星期六晌又一城間超級市場見到有日本蘋果賣，買左兩個金星($28)，好好味，
聽個阿姐講金星係王林溝香蕉呀~~~
吓, 蘋果溝香蕉? 真係要試下啦!
我都食左王林蘋果啦, 味道吾錯, 有種好獨特的香氣,
不過我鐘意爽身的蘋果多d.