鐵皮屋上做的夢

第四天

高原坊平滑雪場滑雪

本來今天預算往山寺和摘士多啤利, 還會吃米澤牛, 怎知老大說要繼續滑雪, joe爹也超有興致的說想一起去, 3對1, 我這個順得人又怎會逆意呢, 可憐的米澤牛, 你要在米澤等我啊, 某年某月再來吃你了!

不懂滑雪也可感受滑雪的樂趣

我曾經弄偒腰部, 所以我到滑雪場變成三等公民, 等影相, 等食飯和等走人. 在等的期間, 我坐在餐廳內看人們滑雪, 餐廳外的一段是初級滑雪道, 我看見幾組有趣的組合: 三個人手持同一支長長的扙, 平排的由上滑下, 好像很爽呢, 我想當老大他們回來午飯時我也想試試; 另外有一堆人兩個兩個的在玩雪兜, 怎麼要兩個人一起玩呢? 不過在前面的那個被濺起的雪打得狼狽, 我卻看得很開心 – 哈哈, 變態!

雪越下越大, 人們紛紛走進餐廳內吃午餐, 我的視線亦由室外轉移至室內, 這時才見到長枱上擺放了一名牌: xxx失明學校, 我這才明白, 三人滑雪組內有一位是失明的, 兩人雪兜組坐後排者也是失明的, 有幸得到義工們的幫助, 失明人也可感受滑雪的樂趣., 看著他們面上掛著的笑容, 我突然覺得自己很可憐 – 三等公民! 

利害呢!
飯後, 可憐的我當然不會繼續自憐 (因為根本沒有人可憐我, 唉!), 我走去租滑雪水泡, 這裡的水泡是免費的, 員工示意我到辦公室去, 正確應該是吊車控制室, 走進去後我指著水泡圖片, 然後一名工作人員用日文同我說了一句, 哈哈哈! 這句我當然明白啦 --- 日本語が話せませんか。(nihogogahanasemasenka, 你識吾識講日文呀?) 我就好快咁回應左一句 “すごい”, 空氣突然停止左兩秒, 周圍氣氛有點緊張, 跟住我又好快咁講左第二句話 “すこし”, 然後成個控制室的人用如釋重負, 又或者係恍然大悟的語氣一齊重覆我講果句話, 一切又重新開始運作, 包括吊車. 講到呢道, 識日文的你應該識得笑, 吾識的你, 吾緊要, 等我解釋一下, 不過吾準笑我, すごいsugoi係”勁”咁解, 而すこしsukosi係少少的意思. 呢d就係識少少扮代表ge結果.! 

你明定吾明
返到上山火車站, 我打電話到旅館叫人黎接我, 我用一早預備左的日文同佢講左一大輪, 然後佢又講左一大輪我完全吾明白的日文, 拿! 乜野叫讀萬卷書不如行萬里路呢, 就係咁解, 書本同miss亞sir教話, 如果你講A呢, 佢就會講B喇, 而實際佢係講左C播! 我當然無佢咁好氣, 我重覆講多一次A, 然後問佢你明吾明呀? 佢話明白, 咁我講多句亞李吉多就收線啦, 吾使2分鐘, 電召的士司機就黎搵我地. 

滑雪三傻